Një lajm i trishtë ka goditur sot botën e medias shqiptare. Është ndarë nga jeta në moshën 64-vjeçare publicisti dhe gazetari i njohur Artur Zheji.
Ai ka humbur jetën sot në Sarandë, duke lënë pas një karrierë të gjatë e të pasur në gazetari, publicistikë dhe drejtim emisionesh televizive.
Artur Zheji ka qenë një nga figurat më të spikatura të medias në Shqipëri, i angazhuar për dekada në platforma të ndryshme mediatike, ku u shqua për analizat dhe komentet e tij mbi zhvillimet politike e shoqërore.
Ai ishte biri i dy figurave të njohura shqiptare: Petro Zhejit, erudit i shquar, dhe Besa Imamit, aktore e njohur shqiptare.
Vdekja e tij përbën një humbje të madhe për gazetarinë shqiptare dhe opinionin publik.