Policia e Kosovës, përmes raportit 24-orësh, ka njoftuar se ka ndaluar një të dyshuar për kalim ilegal të kufirit dhe kontrabandim me mallra në fshatin Bernjak të Zubin Potokut.
Sipas raportit, në veturën e tij janë gjetur 71 kavanozë me mjaltë.
Sipas Policisë, vetura dhe mallrat janë dërguar në terminalin doganor.
“Gjatë patrullimit njësiti policor ka ndaluar veturën me targa të huaja, të cilin e drejtonte i dyshuari mashkull kosovar, pasi i njëjti kishte kaluar ilegalisht kufirin. Gjatë kontrollit është vërejtur se në veturë kishte 71 kavanozë me mjaltë. Me urdhër te prokurorit vetura dhe malli dërgohen në terminalin doganor”, thuhet në raportin ditor.