Qytetarët e nacionalitetit serb në veri të Mitrovicës janë kërcënuar prapë, që t’i mos i regjistrojnë veturat e tyre me targa të Republikës Kosovës.
Në orët e para të së mërkurës, persona të paidentifikuar kanë vendosur letra në veturat e serbëve lokalë, me mesazhin që të mos i regjistrojnë veturat e tyre me tabela RKS.
“Regjistrim më i lirë i targave KM”, “mund të udhëtosh normalisht”, “e gjithë bota i pranon targat KM”, janë paralajmërimet mbi veturat e serbëve në veri, raporton KP.
Sipas raportimit, personat që kanë shpërndarë letra të tilla gjatë natës kanë përdorur mbulesa për t’u mos u identifikuar.
Zëdhënësi i policisë për rajonin e veriut, Branisllav Radoviq, ka thënë se Policia deri tani nuk ka ndonjë informacion rreth kësaj.
Sipas tij, ekipet përkatëse të policisë do të punojnë gjatë ditës në këtë drejtim në mënyrë që t’i identifikojnë autorët e këtyre letrave të cilat, siç tha ai, janë kundërligjore.
Më 1 gusht nis afati i fundit shtesë që qytetarët në veri të kthejnë targat e tyre në RKS. Në qershor, Qeveria ua dha dy muaj afat qytetarëve që të largojnë targat ilegale./KP