Këngëtarja trinidadiano-amerikane, Nicki Minaj, e cila ka qenë më parë kritike ndaj politikave të ashpra të imigracionit të Donald Trump, ka deklaruar të mërkurën se është “fansja numër një” e presidentit amerikan.
Ajo gjithashtu ka treguar kartën e artë të vizës së Trump, e cila ofron qëndrimin dhe rrugën drejt shtetësisë amerikane për persona të pasur.
Minaj u ftua në skenë nga Trump gjatë një eventi në Washington DC, pasi shpalli mbështetjen e saj për programin “Trump Accounts”, që ofron fonde për fëmijët.
“Do ta them: unë ndoshta jam fansja numër një e presidentit, dhe kjo nuk do të ndryshojë,” tha Minaj, duke shtuar se kritikat e të tjerëve nuk e ndikojnë aspak dhe madje e motivojnë që ta mbështesë edhe më shumë Trump.
Ajo gjithashtu publikoi kartën e saj në rrjetin X me mbishkrimin: “Welp”, duke theksuar se dokumenti ishte “falas” nga presidenti.
Çfarë është karta e artë e Trump?
Karta e artë e Trump, e prezantuar në dhjetor, është një mënyrë e shpejtë për të pasurit që të marrin qëndrim në SHBA dhe një rrugë drejt shtetësisë. Për këtë, ata paguajnë 1 milion dollarë dhe një tarifë përpunimi prej 15,000 dollarësh.
Programi ka marrë kritika, sidomos për faktin se vjen në një kohë kur administrata po ashpërson masat ndaj imigrantëve të paligjshëm.
Nicki Minaj ka treguar më parë se ka ardhur në SHBA si imigrante e paligjshme në moshën pesë vjeçare dhe ka kritikuar ndarjen e familjeve nga autoritetet.
Ajo ka thënë se “nuk mund ta imagjinoj tmerrin të jesh në një vend të huaj dhe të ndahesh nga prindërit në moshën pesë vjeç.”
Edhe pse karta e artë i siguron Minaj të drejtën e qëndrimit të pakufizuar në SHBA, ajo ende nuk është qytetare amerikane. Në Washington, Trump edhe u shaka se do t’i rritte thonjtë për t’i ngjashëm këngëtares dhe mbajti dorën e saj gjatë eventit.
Minaj tha se nuk do të lejojë që kundërshtarët e presidentit të “të bëjnë presion mbi të”.