Një futbollist ndërkombëtar, 29-vjeçar, është arrestuar në qendër të Londrës nën dyshimin për dy raste sulmi dhe një të përleshjes, raportojnë mediat britanike.
Policia bëri të ditur se incidenti ka ndodhur në orët e hershme të së shtunës në zonën e West End. Sipas autoriteteve, futbollisti u arrestua menjëherë në vendngjarje.
Viktima e dyshuar është dërguar në spital me lëndime që, sipas policisë, nuk paraqesin rrezik për jetën dhe nuk pritet të lënë pasoja serioze.
Futbollisti është liruar me kusht deri në përfundimin e hetimeve.
Policia i tha BBC Sport se thirrja për ndihmë është marrë rreth orës 00:47 të së shtunës, pas raportimeve për një sulm fizik.
Për arsye ligjore, identiteti i tij nuk është bërë publik. Në Mbretërinë e Bashkuar, emrat e personave të arrestuar rrallëherë publikohen nga policia, një praktikë e forcuar pas Hetimit Leveson në vitin 2012, i cili rekomandoi që identitetet të zbulohen vetëm në raste “të jashtëzakonshme dhe të identifikuara qartë”.
Zakonisht, emri i një të dyshuari publikohet vetëm pasi ai të ngrihet zyrtarisht akuza.