Si “një hap i rëndësishëm përpara” është cilësuar njohja e regjistrimit të avokatëve nga Kosova në Gjermani nga ana e ambasadorit gjerman në Kosovë, Jorn Rohde.
Me anë të një postimi në Twitter, Rohde ka deklaruar se një hap i tillë do të rrisë bashkëpunimin në mes dy vendeve.
“Zhvillim emocionues! Avokatët kosovarë tani mund të regjistrohen pranë shoqatave të avokatëve gjerman. Ky hap premton të rrisë bashkëpunimin ekonomik dhe të përmirësojë ekzekutimin e projektit ndërkufitar gjermano-kosovar. Një hap i rëndësishëm përpara!”, ka shkruar Rohde.
Exciting development! Kosovar🇽🇰 lawyers can now register with German🇩🇪 bar associations, enabling them to practice directly in Germany. This step promises to enhance economic cooperation and streamline cross-border🇩🇪🇽🇰 project execution. A significant stride forward! 👨⚖️🤝⚖️ https://t.co/yryD80TtFW
— Ambassador Jörn Rohde (@GermanAmbKOS) August 11, 2023
Ambasadori i Kosovës në Gjermani, Faruk Ajeti, kishte njoftuar se avokatët nga Republika e Kosovës tashmë njihen zyrtarisht edhe nga Gjermania.