Kryetarja e Kuvendit të Kosovës, Albulena Haxhiu, ka njoftuar se seanca e jashtëzakonshme për shqyrtimin e amendamenteve kushtetuese nuk ka arritur të plotësojë numrin e nevojshëm të deputetëve për votim.
Sipas saj, nuk janë plotësuar 93 deputetë, përfshirë edhe 9 deputetë nga komunitetet joshumicë, dhe për këtë arsye seanca është ndërprerë.
Haxhiu ka bërë të ditur se Kuvendi do të mblidhet sërish sonte në një seancë tjetër plenare.
Ajo ka ftuar deputetët që të qëndrojnë në Kuvend, pasi seanca e radhës është caktuar të mbahet në orën 22:00.