Ministria e Shëndetësisë së Iranit ka njoftuar se 627 persona janë vrarë dhe 4,870 të tjerë janë plagosur gjatë luftës 12-ditore me Izraelin, sipas raportimit të agjencisë shtetërore të lajmeve IRIB.
Sipas autoriteteve, shumica e viktimave janë regjistruar në kryeqytetin Teheran dhe në provincën perëndimore të Kermanshah.
Pjesa më e madhe e të vrarëve, sipas Ministrisë, kanë humbur jetën në vendin e ngjarjes, para se të arrinin në spital.
Autoritetet iraniane nuk ka publikuar të dhëna ditore mbi viktimat, gjë që e ka bërë të vështirë vlerësimin e saktë të kostos njerëzore të konfliktit, veçanërisht për shkak të kufizimeve në raportimin e brendshëm.
Ndërkohë, disa organizata të të drejtave të njeriut pretendojnë se bilanci real i të vdekurve është dukshëm më i lartë.
Një prej këtyre grupeve, të martën, e vlerësoi numrin e viktimave në 974./BBC