Kryetari i Bordit të Bankës Qendrore të Kosovës, Bashkim Nurboja, ka bërë të ditur se gjatë vitit 2024 BQK ka realizuar fitim prej rreth 31 milionë euro.
Nga ky fitim, institucioni ka kontribuar me 24.5 milionë euro në buxhetin e shtetit, përmes ndarjes së fitimit dhe interesave të arkëtuara nga depozitat afatgjata.
“BQK krijoi profit rreth 31 milion euro në vitin 2024. Ndërsa buxhetit të shtetit i kontribuoi me 24.5 milion euro nga fitimi i ndarë dhe interesat e mbledhura nga afatizimet e depozitave”, deklaroi Nurboja.
Ai shtoi se viti 2024 ka qenë një vit i suksesshëm për BQK-në. /Telegrafi/