Prokuroria Speciale e Kosovës në bashkëpunim me Policinë e Kosovës ka kryer një operacion në Zubin Potok dhe Zveçan lidhur me hetimin e vrasjes së zyrtarit të EULEX-it, A.S.
Prokuroria Speciale bën të ditur se gjatë operacionit janë shoqëruar në Polici shtatë persona, dhe pas intervistimit janë liruar në procedurë të rregullt, njofton Dukagjini.
Gjatë këtij aksioni ku u bastisën 9 lokacione, policia ka konfiskuar dy armë, municion, veshje me përmbajtje nacionaliste, dokumente e gjëra të tjera.
“Gjatë operacionit, i cili është mbështetur edhe nga njësi të tjera relevante të Policisë së Kosovës, janë shoqëruar në Polici shtatë persona, dhe pas intervistimit janë liruar në procedurë të rregullt. Ndërsa, gjatë zbatimit të urdhrit për bastisje, si një hap i rëndësishëm procedural në kuadër të një hetimi që është ende në zhvillim, janë gjetur dhe sekuestruar prova materiale sikurse: dy armë, municion, veshje me përmbajtje nacionaliste, dylbi, dokumente, pajisje elektronike të ndryshme etj”, thuhet në njoftimin e Prokurorisë Speciale.
Bastisjet në Zubin Potok dhe Zveçan dyshohet se lidhen me vrasjen e doganierit të EULEX-it