Kanë mbetur edhe 12 ditë deri në përfundimin e afatit kushtetues prej 15 ditësh, brenda të cilit mandatari për kryeministër, Albin Kurti, duhet të paraqesë për miratim përbërjen dhe programin e Qeverisë së re.
Deputeti i Lëvizjes Vetëvendosje, Arbër Rexhaj, ka deklaruar se partia e tij mbetet e përkushtuar për formimin e qeverisë, por është po ashtu e gatshme të shkojë në zgjedhje në rast se kjo nuk ndodh.
Në Debat Plus, Rexhaj theksoi se zgjedhjet nuk janë qëllim, por mundësi e fundit nëse nuk sigurohet shumica e nevojshme parlamentare.
Sipas tij, Vetëvendosje tashmë ka shumicën e votave nga deputetët e komuniteteve që përkrahin kryeministrin Kurti, çka e bën këtë subjekt politik alternativën e vetme për formimin e qeverisë.
“Kemi thënë që zgjedhjet janë zgjidhja e fundit. Mirëpo meqë keni mund me pa deklaratën e kryeministrit Kurti, ku thotë se nëse nuk e bëjmë ne qeverinë, shkojmë në zgjedhje. Jo në kuptimin arrogant, as në kuptimin që patjetër ne duhet me bë. Mirëpo në kuptimin e asaj që nuk ka konstelacion tjetër, pra të përbërjes së qeverisë. Pos të LVV e cika e ka shumicën të pjesës së deputetëve që i përfaqësojnë minoritetet, që janë së bashku me kryeministrin Kurti. Dhe në këtë kuptim LVV-ja është e gatshme për zgjedhje qoftë menjëherë. Mirëpo synojmë që ta bëjmë qeverinë…”, ka thënë Rexhaj.