Organi Shqyrtues i Prokurimit (OSHP), me një vendim, i ka hapur rrugën Komunës së Prishtinës që të vazhdojë me procedurat e prokurimit për menaxhimin e mbeturinave në kryeqytet.
Komuna si Autoritet Kontraktues mund të bëjë përzgjedhjen e kompanisë për shërbimine të menaxhimit të mbeturinave duke përfunduar kështu sagën e problemit të mbeturinave.
Pavarësisht pengesave të vazhdueshme nga ana e kompanisë Rajonale “Pastrimi”, përmes formave të ndryshme nga greva e deri tek parkimi i kamionëve në fund Komuna del se ka të drejt të perzgjedhë kompaninë e cila është më e menaxhueshme.
Ky proces ishte bllokuar nga OSHP-ja pasi Kompania Regjionale e Mbeturinave “Pastrimi” Sh.A kishe bërë ankesë në OSHP, për të ia bllokuar komunës procedurat e tenderit për menaxhimin e mbeturinave në kryheqytet.
Sipas vendimit të OSHP-së, me 18/11/2024, Kuvendi i Komunës se Prishtinës në cilësinë e Autoritetit Kontraktues ka publikuar Njoftimin për Kontratë B05 lidhur me aktivitetin e prokurimit me titull Menaxhimi i mbeturinave me numër të prokurimit 616-24-11988-2-1-1.
Ky aktivitet i prokurimit është zhvilluar me procedurë të hapur me llojin e kontratës shërbim dhe me vlerë të parashikuar të kontratës 16,500,000.00 euro. Me 26/03.2025, OE K.Regjionale e Mbeturinave” Pastrimi ” SH.A. ka parashtruar kërkesë për rishqyrtim kundër vendimit të lartcekur të AK. Me 01/04/2025, Autoriteti Kontraktues (Komuna e Prishtinës) e ka refuzuar si te pabazuar kërkesën për rishqyrtim. 2 Me 08/04/2025, OSHP ka pranuar ankesën nga OE K.Regjionale e Mbeturinave” Pastrimi ” SH.A. me nr. 0253/2025 për lidhur me aktivitetin Menaxhimi i mbeturinave me numër të prokurimit 616-24-11988-2-1-1.
Vendimi i OSHP-së:
“Jashtë Juridiksionit për shqyrtim ankesa e OE K.
Regjionale e Mbeturinave” Pastrimi ” SH.A. me nr. 2025/0253 , e datës 08/04/2025, lidhur me aktivitetin e prokurimit Menaxhimi i mbeturinave me numër të prokurimit 616-24-11988-2-1-1. 2. Ankuesi lidhur me këto veprime të AK mund ti drejtohet institucioneve tjera kompetente për mbrojtjen e të drejtave të tij/saj. 3. Kthehen mjetet e deponuara në emër të taksës tarifore për parashtrimin e ankesës në llogarinë e Operatorit Ekonomik K.Regjionale e Mbeturinave” Pastrimi ” SH.A”./Indeksonline
