Politikani shqiptar në Shtetet e Bashkuara të Amerikës, Gjino Mulliqi, ka vlerësuar lartë pjesëmarrjen e presidentes së vendit, Vjosa Osmani dhe kryeministrit të Shqipërisë, Edi Rama, në Bordin e Paqes.
Mulliqi, në “FIVE” në Dukagjin, u shpreh se pas shpalljes së Pavarësisë së Kosovës kjo është ngjarja më e rëndësishme, njofton Dukagjini.
“Me të vërtetë ishe një zhvillim historik për kombin shqioptar që ti kemi të dy liderët e shteteve tona në një ngjarje politike në të gjithë botën që ishin krah për krah me liderët tjerë nën udhëheqjen e Trumpit dhe SHBA-ve. Mendoj se është ngjarja më e rëndësishme që pas shkurtit 2008 me Pavarësinë e Kosovës”, u shpreh Mulliqi.
Mulliqi, mes tjerash, u shpreh se gjatë ditës së djeshme Administrata Trump rikonfirmoi mbështetjen për Kosovën.
“Mënyrën e bisedës që e bëjnë Trump dhe Osmani tregon shkathtësinë e presidentes dhe ekipit të saj dhe afrimit të bashkëpunimit me presidentin Trump dhe ekipin e tij, Kjo është shumë e rëndësishme për shtetin e Kosovës dhe shpresojmë që këtë vit të përfundojë me anëtarësimin e Kosovës në NATO po ashtu tregon raportet Kosovë-Serbi dhe rëndësinë e kësaj për Administratën Trump që nënkupton se e njëjta nuk dëshiron konflikte dhe trazira në shtetet Ballkanike dhe posaçërisht nga Serbia në Kosovë” tha Mulliqi.