Ministri i Punëve të Jashtme i Maqedonisë së Veriut, Bujar Osmani, ka njoftuar se më 1 shtator të vitit 2022, është datë e rëndësishme për vendin e tij, pasi si kryesues i Organizates për Siguri dhe Bashkëpunim Evropian (OSBE) do të paraqes prioritetet për vitin 2023 para Këshillit të Përhershëm të kësaj Organizate.
Sipas ministrit Osmani, kjo është arsye pse ai ka udhëtuar për në Vjenë menjëherë pas përfundimit të Forumit Strategjik të Bledit i cili ishte mbajtur në Slloveni.
“Nga Bledi i Sllovenisë vazhdova për Vjenë. Nesër ngjarje e rëndësishme për ne, para Këshillit të Përhershëm të OSBE-së do të prezantoj prioritetet e kryesimit tonë me OSBE-në 2023”, ka shkruar Osmani në Facebook.
“Sot po bëjmë përgatitjet e fundit me një pjesë të ekipit tonë në Vjenë”.
Më tej ai ka treguar se kjo paraqitje e tij para Këshillit të Përhershme të OSBE-së mund të ndiqet të enjten e një shtatorit në ora 10:00 drejtpërdrejtë në linkun www.osce.org/live.