Ministri i Jashtëm i Maqedonisë së Veriut, Bujar Osmani, njëherit kandidat për president, e ka mirëpritur miratimin e raportit të raportueses për Kosovën, Dora Bakoyannis, ku rekomandohet që shteti ka përmbushur kushtet për t’u bërë anëtare e plotë e Këshillit të Evropës.
Me anë të një postimi në platformën “X”, Osmani uron që seanca e prillit të Asamblesë Parlamentare të KiE-së të jetë hapi i fundit për procesin e anëtarësimit të Kosovës në këtë organizatë.
“Me kënaqësi e mirëpres vendimin e sotëm për të ftuar Kosovën të bëhet anëtar e Këshillit të Evropës. Votimi i suksesshëm rezultoi me 31 PO, 4 JO. Urojmë që seanca e prillit e Asamblesë Parlamentare të KiE-së, të jetë hapi i fundit për procesin e anëtarësimit të Kosovës”, shkroi ai.
Glad to welcome today’s decision of @PACE_Political to invite #Kosovo to become @coe member.
Successful voting resulted with 31 YES, 4 NO.
We wish April session of the Parliamentary Assembly of #CouncilofEurope to be last step for Kosovo’s membership process
— Bujar Osmani (@Bujar_O) March 27, 2024
Hapi i radhës, sipas këtij komiteti, do të jetë më 18 prill, kur do të hidhet në votim ky raport para Asamblesë Parlamentare në përbërjen e saj të plotë.
Anëtarësimi i Kosovës në Këshillin e Evropës do të ishte katalizator që “Kosova të vazhdonte të bënte përparim në forcimin e të drejtave të njeriut, demokracinë dhe sundimin e ligjit, si dhe t’i adresojë sfidat dhe çështjet shqetësuese”, tha Komiteti për Politikë dhe Demokraci.