Presidentja e vendit, Vjosa Osmani, këtë të hënë ka marrë pjesë në marshin e organizuar me rastin e Tetorit Rozë, muajit të ndërgjegjësimit për kancerin e gjirit.
Osmani nëpërmjet një postimi në rrjetin social Facebook thotë se nëpërmjet këtij marshi treguan se përbashkimi shndërrohet në shpresë teksa Tetori rozë është muaji që tregon se çdo betejë e jetës mund të fitohet me dashuri, kujdes dhe qëndresë, njofton Dukagjini.
“Tetori rozë është muaji kur kujtojmë se çdo betejë e jetës mund të fitohet me dashuri, kujdes dhe qëndresë. Sot, sikur çdo vjet, jemi bashkuar për ta dërguar një mesazh të fuqishëm: le ta mbështesim çdo grua e burrë dhe të mos ndalemi kurrë derisa çdo betejë me kancerin të shndërrohet në histori suksesi”, ka thënë Osmani.