Presidentja e Kosovës, Vjosa Osmani, të mërkurën e 26 prillit do të jetë për vizitë në Maqedoninë Veriore.
Kështu ka bërë të ditur për Portalin Dukagjini, këshilltari i presidentes, Bekim Kupina.
Lajmi është bërë i ditur edhe përmes një komunikate për media nga Zyra e Presidencës së Maqedonisë ku është thënë se presidenti i shtetit Stevo Pendarovski, do të jetë nikoqir i presidentes Osmani.
Presidentja Osmani në Shkup do të pritet me nderimet më të larta shtetërore, më pas do të realizojë takim me homologun e saj Stevo Pendarovski, ndërkohë që është paraparë edhe takim i dy delegacioneve.
Gjatë qëndrimit në Shkup presidentja e Kosovës do të realizojë takim edhe me kryetarin e Kuvendit Talat Xhaferi si dhe kryeministrin Dimitar Kovaçevski.