Presidentja e Kosovës, Vjosa Osmani, ka ngushëlluar popullin e Greqisë, pas përplasjes së trenave në Greqinë veriore të martën në mbrëmje, si pasojë e të cilit kanë mbetur të vdekur 32 persona dhe dhjetëra të lënduar.
Aksidenti ka ndodhur në qytetin Tempe, pak para mesnatës. Shkaku i përplasjes nuk dihet ende.
“Zemrat tona janë me popullin e Greqisë pas aksidentit shkatërrues të trenit dhe humbjes tragjike të jetëve. Shprehim ngushëllimet tona më të thella për familjet dhe të dashurit e viktimave dhe u urojmë shërim të shpejtë të plagosurve”, shkroi Osmani në Twitter.
Our hearts are with the people of Greece in the aftermath of the devastating train accident and the tragic loss of lives.
We extend our deepest condolences to the families and loved ones of the victims and wish a speedy recovery to those injured.
— Vjosa Osmani (@VjosaOsmaniPRKS) March 1, 2023
Me anë të një postimi në Twitter, edhe MPJD ka shprehur ngushëllime për familjet e viktimave.
Në këtë postim, ky dikaster ka shprehur solidaritet me popullin dhe Qeverinë e Greqisë.
“Të tronditur dhe të pikëlluar thellësisht nga lajmi i aksidentit tragjik të trenit në Tempe të Greqisë. Ngushëllimet tona të përzemërta shkojnë për familjet e viktimave dhe lutemi për shërimin e shpejtë të të plagosurve. Ne shprehim solidaritetin tonë me popullin dhe qeverinë e Greqisë”, thuhet në njoftim.
Deeply shocked and saddened by the news of the tragic train accident in Tempe, Greece. Our heartfelt condolences go out to the victims' families, and we pray for the speedy recovery of the injured. We extend our solidarity with the people & Government of Greece. @GreeceMFA
— MFA Kosova 🇽🇰 (@MFAKOSOVO) March 1, 2023
Disa pjesë të trenit kanë dalë nga binarët dhe kanë marrë flakë.
Ekipet e shpëtimit janë duke i vazhduar kërkimet në zonën e aksidentit.
Të mbijetuarit kanë thënë se shumë pasagjerë kanë dalë nga dritaret për shkak të presionit të lartë.
Zyrtarët e spitalit në qytetin e afërt Larisa, kanë thënë se të paktën 25 persona kanë lëndime serioze.