Presidentja e Kosovës, Vjosa Osmani, e ka pritur në takim Avokatin e Popullit, Naim Qelej, me të cilin ka diskutuar për respektimin e të drejtave të njeriut në Kosovë.
Përveç diskutimit për të drejta e qytetarëve të Kosovës, ata kanë biseduar edhe për problemet e qytetarëve shqiptarë të Preshevës, Bujanocit dhe Medvegjës.
“Avokati i Popullit theksoi se është duke konsideruar një forum që do të përfshijë hisedarë të shumtë që mund të kontribuojnë në trajtimin e duhur të këtyre çështjeve”, thuhet në komunikatën e Avokatit të Popullit.
Gjithashtu, në këtë takim ata kanë folur për rëndësinë e anëtarësimit të Kosovës në Këshillin e Evropës(KiE). Sipas tyre, anëtarësimit të Kosovës në Këshillin e Evropës do të ishte një instrument i rëndësishëm për qytetarët, në garantimin e plotë të të drejtave të njeriut, në mbrojtje të lirisë së shprehjes dhe të mediave, promovim i barazisë dhe të drejtave e minoriteteve.