Presidentja e Kosovës, Vjosa Osmani është takuar me presidentin e Zvicrës, Ignazio Cassis, gjatë pjesëmarrjes në samitin e Komunitetin Politik Evropian, i cili po mbahet në Pragë.
Osmani ka diskutuar me presidentin e Zvicrës, për rëndësinë thelbësore të anëtarësimit të Kosovës në Këshillin e Evropës dhe organizata tjera ndërkombëtare.
“E informova për rëndësinë thelbësore të anëtarësimit të Kosovës në Këshillin e Evropës dhe organizata të tjera ndërkombëtare”, ka shkruar Osmani në Facebook.
Po ashtu, ajo ka thënë se biseduan për rolin e mërgatës në forcimin e partneritetit mes dy vendeve.
“Diskutuam zhvillimet e fundit në rajon dhe më gjerë, marrëdhëniet miqësore me Zvicrën, si dhe rolin e jashtëzakonshëm të mërgatës sonë në forcimin e partneritetit në mes të dy shteteve tona”, ka thënë Osmani.
Po ashtu, Osmani ka takuar edhe kryeministren finlandeze, Sanna Marin, me të cilën ka diskutuar për zhvillime të rëndësishme politike në Evropë.
Ndërkaq, Osmani ka takuar edhe kryeministrin e Greqisë, Kyriakos Mitsotakis, me të cilin ka theksuar nevojën e përfundimit sa më parë të procesit të liberalizimit të vizave për qytetarët e Kosovës dhe nevojën për avancimin e rrugës euroatlantike të Kosovës, përfshirë anëtarësimin në Këshillin e Evropës.
Ajo ka përsëritur përkushtimin e Kosovës për bashkëpunim të ngushtë me Greqinë në çështjet me interes të ndërsjellë.
Osmani falënderon kryeministrin e Belgjikës për mbështetjen ndaj Kosovës