Partia Demokratike e Kosovës (PDK) do të mbajë sot Konventën e Përgjithshme të njëmbëdhjetë me radhë, e cila do të nisë në orën 11:30.
Sipas njoftimit zyrtar të partisë, mediat do të kenë mundësi të marrin pamje në fillim të konventës dhe të ndjekin fjalimin hyrës të kryetarit aktual, Memli Krasniqi.
Krasniqi pritet të konfirmohet për një mandat të ri në krye të PDK-së, duke vazhduar udhëheqjen e partisë edhe në periudhën e ardhshme.
Pas përfundimit të konventës, PDK ka paralajmëruar mbajtjen e një konference për media.
