Ballkani ka arritur të triumfoj në ndeshjen kryesore të xhiros së 5-të në Superligën e Kosovës, duke mposhtur 0-1 skuadrën e Prishtinës.
Por, para fillimit të ndeshjes pati një zënkë mes dy grupeve të tifozëve, ku disa nga anëtarët e ‘Xhebrailave’ mbetën të lënduar.
Pas ndeshjes ka ardhur reagimi i kampionit në fuqi të Kosovës, Ballkanit, ku kanë konfirmuar se disa tifozë kanë pësuar lëndime serioze, por që ata tanimë janë lëshuar nga tretmani që kanë marrë në QKUK.
Zëdhënësi i policisë së Kosovës për rajonin e Prishtinës, Agron Borovci ka konfirmuar për RTV Dukagjini se kanë nisur hetime për dy raste për përleshjen e tifozëve para ndeshjes së luajtur të dielën mbrëma në mes të Prishtinës dhe Ballkanit, në kuadër të Superligës së Kosovës.
Sipas, zëdhënësit të Policisë, në ndeshjen Prishtina – Ballkani, janë lënduar tre persona.
“Janë tre të lënduar e dy raste të inicuara.”, ka bërë të ditur Borovci për RTV Dukagjini.
Në stadiumin “Fadil Vokrri” kishte rreth 7 mijë shikues por që nuk kishte sigurim e as zyrtarë policor, kur ndodhi incidenti në mes të tifozëve.