Pesë persona kanë mbetur të lënduar si pasojë e një aksidenti që ka ndodhur sot pasdite në rrugën që lidh Prishtinën me Fushë Kosovën.
Lajmin e ka konfirmuar për Dukagjinin, zëdhënësja e Policisë së Kosovës, Flora Ahmeti.
“Sot rreth orës 15:00 kemi pranuar informatën për një aksident trafiku me lëndime në rrugën Prishtinë–Fushë Kosovë. Në aksident janë përfshirë tri vetura, ndërsa si pasojë janë lënduar pesë persona”, ka thënë Ahmeti.
Sipas saj, në vendin e ngjarjes kanë dalë njësitet përkatëse, ndërsa me rastin po merret njësia rajonale e trafikut.