Sulmuesi 22-vjeçar, i cili iu bashkua kampionëve në fuqi të Premierligës , Manchester City nga Borussia Dortmund këtë verë, Erling Haaland, pasi klubi ra dakord të paguante klauzolën e tij të lirimit prej 64 milionë £, nënshkroi një marrëveshje pesëvjeçare në Etihad me vlerë 375,000 £ në një javë.
Dhe fenomeni norvegjez tashmë ka shlyer një pjesë të tarifës së transferimit me një fillim mjaft tronditës në Mançester. Në 14 ndeshjet e tij të para nën drejtimin e Pep Guardiolës , Haaland ka shënuar gjithsej 20 gola, duke përfshirë tre hat-trickë radhazi në shtëpi në kampionat.
Haaland has now scored 1.0% of all Man City goals in PL & CL history
— Duncan Alexander (@oilysailor) October 5, 2022
Ish-lojtari i RB Salzburgut do të jetë pa dyshim një gjemb në këmbë për shumë skuadra në mbarë Evropën në ditët, javët dhe muajt e ardhshëm, por tani, në një marifet gazmor për të ndaluar Haaland që të shkatërrojë futbollin botëror, një tifoz ka krijuar një peticion për të bërë një ndryshim, shkruan Sportbible.
“Thjesht nuk është e drejtë,” përdoruesi ‘Ten Hag’s Reds’ shkroi në faqen Change.org.
“Ne mund të bëjmë një ndryshim. Tani është koha që ne njerëzit të veprojmë. Ky robot nuk duhet të lejohet të vazhdojë në vendin tonë.”
Në momentin e shkrimit, peticionin e kanë nënshkruar 18 persona, ndërsa, deri tash peticioni ka marrë 49 nënshkrime.