Shërbimi Korrektues i Kosovës ka njoftuar se ka marrë vendim për pezullimin nga detyra të pesë zyrtarëve korrektues, pas pranimit të raportit fillestar nga organet e ndjekjes. Zyrtarët në fjalë dyshohen për keqpërdorim të armëve zyrtare.
Në njoftimin zyrtar thuhet se ShKK ka ndërmarrë këtë veprim në përputhje me ligjin dhe me qëllim të garantimit të mbarëvajtjes së procedurave ligjore.
“Shërbimi Korrektues i Kosovës mbetet i përkushtuar për të vepruar gjithmonë në bazë të ligjit dhe për të garantuar mbarëvajtjen e procedurave ligjore,” thuhet ndër të tjera në njoftim.