Policia e Kosovës ka ndërmarrë një hap tjetër drejt rritjes së efikasitetit dhe afërsisë me qytetarët, përmes pajisjes së policëve të lagjes me 19 vetura të reja hibride që do të përdoren në të gjitha drejtoritë rajonale të vendit.
Në njoftimin e policisë thuhet se përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare, njofton Dukagjini.
Ky investim, sipas Policisë së Kosovës, tregon përkushtimin e menaxhmentit për forcimin e besimit të ndërsjellë mes policisë dhe komunitetit, si dhe për rritjen e transparencës dhe profesionalizmit në ofrimin e shërbimeve policore.