Policia e Kosovës ka konfirmuar sulmin ndaj imamit të xhamisë, Zeqir Berisha, në fshatin Lupç të Podujevës.
Berisha ishte sulmuar me mjete të forta nga 3 persona. Ngjarja ka zënë vend mbrëmjen e së enjtes në xhaminë e fshtatit Lupç të Podujevës.
Rastin për Portali Dukagjini e ka konfirmuar zëdhënësja e Policisë, Flora Ahmeti.
“Mbrëmë rreth orës 22:00, policia ka marrë informacionin se në fshatin Lupç i poshtëm të Podujevës është gjetur një person i lënduar rëndë. Personi i lënduar Z.B. mashkull, është dërguar për tretman mjekësor, ndërkohë që njësitet policore të Podujevës menjëherë kanë filluar ndërmarrjen e verimeve operativo-hetimore dhe kanë arritur të arrestojnë tre persona të dyshuar”, ka thënë Ahmeti për Portali Dukagjini.
Ndër të tjera, bëhet e ditur se për rastin në fjalë janë arrestuar 3 persona.
Me urdhër të prokurorit, tre të arrestuarit janë dërguar në qendrën e mbajtjes dhe njëherësh, ndaj tyre është iniciuar rasti “Vrasje në tentativë”.