Policia zhvillon operacionin “Lugu”, arrestohen gjashtë persona dhe konfiskohet kokainë

Policia e Kosovës

Policia e Kosovës ka njoftuar për realizimin e operacionit policor të koduar “Lugu”, i cili është zhvilluar në Prishtinë pas hetimeve disa javore ndaj gjashtë personave të dyshuar për përfshirje në shit-blerjen e substancave narkotike.

Sipas njoftimit, më 6 gusht 2025, rreth orës 12:00, me autorizim të Prokurorisë Themelore dhe urdhëresë të Gjykatës, janë kontrolluar tetë lokacione (shtëpi, banesa dhe objekte përcjellëse), ndërsa është mbyllur edhe një lokal (“free shop”).

Operacioni është asistuar nga Njësia Speciale Operative, njësia K9, Drejtoria e Teknikës Kriminalistike dhe njësi të tjera policore.

Gjatë kontrollit të pesë automjeteve të sekuestruara më 29 gusht, në një veturë pronë e njërit prej të dyshuarve u gjetën dy qese me substancë të dyshuar narkotike të llojit kokainë, me peshë rreth 35 gramë.

Në total, gjatë aksionit janë sekuestruar:

  • 300 gramë substancë e dyshuar narkotike e llojit kokainë (me vlerë rreth 18 mijë euro),

  • 13.294 euro para të gatshme,

  • 2 pajisje DVR,

  • 5 vetura me targa vendore,

  • si dhe prova të tjera materiale të ndërlidhura me rastin.

Policia ka konfirmuar se gjashtë të dyshuarit, të gjithë meshkuj kosovarë, janë arrestuar dhe me vendim të prokurorit janë ndaluar për 48 orë.

Në fund të njoftimit, Policia e Kosovës thekson se mbetet e përkushtuar në parandalimin dhe luftimin e shpërndarjes së narkotikëve, duke theksuar profesionalizmin, integritetin dhe llogaridhënien në punën e saj.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika