Presidenti i Izraelit, Isaac Herzog, ka reaguar pas sulmeve raketore të Iranit që goditën objektiva civile në qytetin Be’er Sheva, përfshirë një spital dhe një shtëpi të të moshuarve. Në një deklaratë, Herzog theksoi dimensionin njerëzor të sulmeve, duke përshkruar pamje prekëse nga spitali i goditur.
“Një foshnjë në kujdes intensiv. Një nënë pranë shtratit të saj. Një mjek që vrapon mes shtretërve. Një banor i moshuar në një shtëpi pleqsh. Këto ishin disa nga objektivat e sulmeve me raketa të Iranit ndaj civilëve izraelitë këtë mëngjes,” deklaroi ai.
Presidenti izraelit shtoi se “në momente të tilla, na kujtohet se çfarë është realisht në rrezik dhe cilat janë vlerat që po mbrojmë,” duke lënë të kuptohet se kërcënimi nuk është vetëm fizik, por edhe moral dhe ekzistencial për kombin izraelit.