Presidenti i SHBA-së, Joe Biden, thotë se ngriti çështjen e vrasjes së gazetarit Jamal Khashoggi, gjatë një takimi me princin e kurorës saudite, Mohammed bin Salman.
Bideni është në Arabinë Saudite për të rindërtuar marrëdhëniet mes të dyja vendeve, pasi kishte premtuar më parë se do ta bënte vendin një shembull për të drejtat e njeriut.
Ai shtoi se e ka bërë të qartë se vrasja në vitin 2018 ishte “jetike e rëndësishme për mua dhe Shtetet e Bashkuara”, raporton BBC.
Por, ai potencoi gjithashtu se të dyja vendet arritën marrëveshje për çështje të tjera.
Princi saudit gjithmonë i ka mohuar akuzat dhe prokurorët sauditë, të cilët i fajësuan agjentët “mashtrues” të Arabisë Saudite.
“Në lidhje me vrasjen e Khashoggi, e ngrita atë në krye të takimit, duke e bërë të qartë se çfarë mendoja për të në atë kohë dhe çfarë mendoj për të tani”, tha Biden në një konferencë për shtyp pas takimit të së premtes.
“Unë thashë shumë drejtpërdrejt, ‘që një president amerikan të heshtë për një çështje të të drejtave të njeriut nuk është në përputhje me atë se kush jemi dhe kush jam unë. Unë gjithmonë do të mbroj vlerat tona'”.
Bideni zbuloi se princi i kurorës pretendoi se ai “nuk ishte personalisht përgjegjës” për vdekjen e gazetarit. “Unë i tregova se mendoja se ishte”, iu kundërpërgjigj presidenti amerikan.
Khashoggi ishte një kolumnist për washington Post.
Përveç vrasjes së Khashoggi, Presidenti Biden tha se ai dhe homologu i tij saudit kishin diskutuar mbi energjinë dhe se ai priste të shihte Arabinë Saudite, si një prodhuese të madhe të naftës, dhe të ndërmarrë “hapa të mëtejshëm” për të stabilizuar tregun në javët e ardhshme.