I dërguari i posaçëm i presidentit amerikan për misione të veçanta, Richard Grenell, ka reaguar sërish lidhur me protestën e madhe gjithëkombëtare të mbajtur sot në Tiranë në mbështetje të ish-krerëve të UÇK-së që po gjykohen në Hagë.
Përmes një postimi në rrjetin social X (ish-Twitter), Grenell shkroi: “Haga është jashtë kontrollit. Kjo është ajo që ka bërë Jack Smith”, duke iu referuar ish-prokurorit special që ngriti aktakuzën ndaj Hashim Thaçit dhe të tjerëve.
The Hague is out of control.
This is what Jack Smith did. https://t.co/H4x8bfTY2y
— Richard Grenell (@RichardGrenell) October 17, 2025
Ai gjithashtu shpërndau një postim të gazetares Xhorxhina Bami, e cila raportonte nga protesta e sotme në kryeqytetin shqiptar, duke shtuar shkurt: “And in Tirana”.
Protesta e sotme në Tiranë u zhvillua në shenjë kundërshtimi ndaj, siç u cilësua nga organizatorët, “padrejtësisë që po u bëhet ish-krerëve të UÇK-së në Hagë”, duke mbledhur një numër të madh qytetarësh nga mbarë trojet shqiptare.