Presidenti i Rusisë, Vladimir Putin, në kuadër të vizitës së tij në Kinë, ka shkëmbyer disa fjalë edhe me presidentin e Serbisë, Aleksandër Vuçiq.
Ai ka thënë se Rusia ndan shqetësimin me presidentin serb, teksa citohet të ketë thënë se diskutuan për situatën në rajon.
“Fola edhe me presidentin e Serbisë, Aleksandër Vuçiq, i cili është i shqetësuar për situatën në rajon”, tha Putin teksa shton se : “Ne ndajmë shqetësimin”, raporton RT Balkan.
Në anën tjetër, presidenti Vuçiq ka thënë se do të vazhdojë të insistojë në formimin e Asociacionit të Komunave me shumicë serbe.
“Është faji im, ndryshe nga ata që e duan aq shumë në Serbi dhe që kërkoj respektimin e detyrimeve ndërkombëtare dhe do të vazhdoj ta bëj këtë”, tha ai.
Presidenti rus dhe ai serb po marrin pjesë në Forumin Ndërkombëtar Ekonomik dhe Politik të Brezit dhe Rrugës në kryeqytetin kinez, Pekin.