Paneli Zgjedhor për Ankesa dhe Parashtresa (PZAP) ka marrë vendim në favor të subjektit politik Lista Serbe, duke aprovuar ankesën e këtij subjekti kundër vendimit të Komisionit Qendror të Zgjedhjeve (KQZ) për moscertifikimin e listës së kandidatëve të saj për zgjedhjet lokale të 12 tetorit 2025.
Me këtë vendim, PZAP ka anuluar vendimin e KQZ-së të datës 21 gusht, përmes të cilit ishte refuzuar certifikimi i kandidatëve të Listës Serbe me arsyetimin se disa prej tyre nuk i plotësonin kriteret ligjore për të qenë pjesë e garës zgjedhore.
Sipas arsyetimit të PZAP, vendimi i KQZ-së nuk ka qenë i bazuar në mënyrë të duhur në ligj dhe nuk është dëshmuar bindshëm se kandidatët e kontestuar ishin në kundërshtim me nenin 29 të Ligjit për Zgjedhjet e Përgjithshme, i cili përcakton kriteret për të drejtën për t’u zgjedhur.
PZAP i ka kërkuar KQZ-së që të certifikojë listën e kandidatëve të Listës Serbe për komunat ku ajo ka aplikuar të marrë pjesë në zgjedhjet lokale.
Albulena Haxhiu konfirmon vendimin e PZAP-it për certifikimin e Listës Serbe