Qeveria e Kosovës, të premten e 16 dhjetorit, pritet të mbajë mbledhjen e radhës, duke filluar nga ora 08:00.
“Mbahet mbledhja e Qeverisë së Kosovës. VENDI: Ndërtesa e Qeverisë. KOHA: 08:00”, thuhet në njoftimin e Zyrës së Kryeministrit.
Në rend dite do të jenë gjashtë pika, ku në mesin e tyre, pritet të jetë shqyrtimi i Draftit të Strategjisë të Energjisë së Republikës së Kosovës 2022-20131 (ME).
Po ashtu, do të bëhet shqyrtimi i propozim-vendimit për kursime dhe ndarje buxhetore (MFPT).
Ekzekutivi do të shqyrtojë edhe draftin e Programit Edukativ për nxënësit e klasës së njëmbëdhjetë në Fushën e Mbrojtjes dhe Sigurisë “Edukimi për Siguri” (MASHTI).
Po ashtu, do të bëhet shqyrtimi i Projektligjit për Kinematografinë (MKRS).
Pikë tjetër është edhe shqyrtimi i Projektligjit për ndryshimin dhe plotësimin e Ligjit për Energjinë (ME).