Deputeti i Lidhjes Demokratike të Kosovës, Anton Quni, ka deklaruar se Lëvizja Vetëvendosje ka kontaktuar me disa deputetë të LDK-së, përfshirë edhe vetë atë, në përpjekje për të siguruar votat e nevojshme për konstituimin e Kuvendit.
Sipas tij, dy deputetë të LDK-së janë në fokus të veçantë të kontaktimeve dhe presioneve nga zyrtarët e VV-së dhe ndërmjetësues të tyre.
“Kontaktohem edhe unë. Kontaktohemi nga zyrtarët e Vetëvendosjes e nga ndërmjetësuesit e tyre. Dy deputetë të LDK-së janë në fokus të veçantë. I kemi informatat i kemi përmbajtjen e bisedën të gjithë deputetët që më së shumti kontaktohen nga Vetëvendosja por ata janë stabil dhe i qëndrojnë… Format e presionit janë të ndryshme një nga to është edhe kjo formë që e potencuat.. duke ofruar benefite për bizneset e tyre familjare”, ka thënë Quni para mediave.