Komuna e Prishtinës ka njoftuar qytetarët se furnizimi me ujë në lagjen Kodra e Trimave nuk është në menaxhimin e saj.
Sipas komunës, për çdo shqetësim apo informacion shtesë lidhur me furnizimin me ujë, banorët duhet të kontaktojnë institucionin përgjegjës për menaxhimin e ujësjellësit.
“Të nderuar qytetarë,
Ju informojmë se kemi pranuar një numër të madh ankesash nga banorët e një pjese të lagjes Kodra e Trimave lidhur me problemet në furnizimin me ujë.
Me këtë rast, dëshirojmë të sqarojmë se furnizimi me ujë nuk është në menaxhim dhe kompetencë të Kryeqytetit. Për çdo shqetësim apo informacion shtesë, ju lutemi t’i drejtoheni institucionit përkatës përgjegjës për menaxhimin e ujësjellësit”, thuhet nga komuna.