Kryeministri shqiptar, Edi Rama, ka njoftuar se në Aeroportin Ndërkombëtar të Vlorës, i cili është duke u ndërtuar, ka filluar të ndërtohet terminali i pasagjerëve dhe ka përfunduar shtrirja e bazamentit të pistës.
Sipas Ramës, aeroporti që po ndërtohet do ta shndërrojë Vlorën në një tjetër portë të madhe për të gjithë vizitorët që zgjedhin ta vizitojnë Shqipërinë.
“Mirëmengjes, dhe me Aeroportin Ndërkombëtar të Vlorës, ku ka filluar të ndërtohet edhe terminali i pasagjerëve, si edhe ka përfunduar shtrirja e bazamentit të pistës, për ta shndërruar Vlorën në një tjetër portë të madhe për të gjithë vizitorët që zgjedhin Shqipërinë, ju uroj një ditë të mbarë”, ka shkruar ai në llogarinë e tij në Facebook.
Ai ka postuar edhe pamje nga procesi i ndërtimit të aeroportit.
