Në Athinë, kryeministri i Shqipërisë, Edi Rama, është takuar me Princin e Kurorës së Arabisë Saudite, Mohammed bin Salman bin Abdulaziz. Princi i Kurorë Saudite ka folur për eksplorimin dhe mundësinë e investimeve në Shqipëri që kapin vlerën 200-300 milionë dollarë.
Kjo është bërë e ditur nëpërmjet një postimi që e kanë bërë Ministria e Punëve të Jashtme e Arabisë Saudit.
“Kryeministri shqiptar shprehu vlerësimin e tij të sinqertë për vendimin e Mbretërisë së Arabisë Saudite për të mbështetur Shqipërinë me 50 milionë dollarë dhe për faktin se Fondi i Investimeve Publike synon të eksplorojë mundësitë e investimit në Shqipëri me vlerë 200-300 milionë dollarë”, thuhet në njoftim./A2 CNN.
سمو #ولي_العهد ورئيس وزراء #ألبانيا يستعرضان علاقات الصداقة ويناقشان أوجه التعاون الثنائي في مختلف المجالات pic.twitter.com/BmVxU7fGdI
— وزارة الخارجية 🇸🇦 (@KSAMOFA) July 28, 2022
Gjithashtu, në postimi thuhet se kryeministri shqiptar, Edi Rama është takuar me Princin e Kurorës, Mohammed bin Salman, në Athinë, dhe palët kanë diskutuar për marrëdhëniet miqësore dhe mundësinë e bashkëpunimit në fusha të ndryshme.
Fusha të diskutimit kishin qenë partneriteti ekonomik në mes të të dyja shteteve, fuqizimi i bashkëpunimit në fushën politike, rritjen e investimeve dypalëshe dhe koordinimin në çështjet rajonale dhe ndërkombëtare me interes të përbashkët.