Policia e Kosovës në raportin e përditshëm ka raportuar për dy sulme ndaj automjeteve në Zveçan.
Në rastin e parë thuhet se një personi i është dëmtuar vetura nga dy grupe personash të panjohur.
Rasti vazhdon të jetë nën hetim nga njësitet policore.
“Zveçan 06.06.2023 – 10:00. Ankuesi mashkull kosovar ka raportuar se derisa ishte duke lëvizur me veturën e tij, dy grupe personash të panjohur, prej tyre disa me maska, e kanë sulmuar me mjete të forta, duke i dëmtuar veturën. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raport.
Ndërsa, në rastin e dytë thuhet se përderisa dy persona ishin në veturën e tyre, disa të panjohur i kanë sulmuar me shkopinj bejsbolli, shufra metalike, kubëza dhe gurë.
Lidhur me rastin është informuar prokurori, ndërsa njësitet policore janë duke hetuar rastin.
Rastet në raportin e policisë janë cilësuar si “Sulm & dëmtim apo asgjësim i pasurisë”.
“Zveçan 06.06.2023 – 23:30. Dy viktimat meshkuj kosovarë përderisa kanë qenë në veturën e tyre me targa vendore, nga të dyshuar deri më tani të panjohur janë sulmuar me shkopinj bejspolli, shufra metalike, kubëza dhe gurë. Si pasojë e sulmit janë shkaktuar dëme materiale në veturë, nuk raportohet për të lënduar. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin 24-orësh.