Raportohet që “Wagner” ka rrëzuar një helikopter rus

Putin ka pranuar se situata në Rostov-on-Don mbetet e vështirë gjatë asaj që ai e quan “kryengritje e armatosur" e forcave “Wagner”. Ndaj tyre dhe kujtdo që ndjek atë që Putin e quan "rrugën e tradhëtisë", presidenti rus ka paralajmëruar masa ndëshkuese

Një foto e publikuar nga “War Monitor” tregon se grupi “Wagner” ka rrëzuar një helikopter rus.

 

Nga ana tjetër, lideri çeçen, Ramzan Kadyrov ka shprehur gatishmërinë e forcave të tij për të shtypur forcat e grupit “Wagner”.

Në rast nevoje, ka thënë ai, do të ndërmerren masa të ashpra.

Jo më ndryshe se Putini, Kadyrov e ka cilësuar sjelljen e shefit të Wagnerit si “thikë pas shpine”.

Presidenti i Rusisë, Vladimir Putin, u ka bërë thirrje forcave “Wagner” në një fjalim të shtunën duke paralajmëruar masa ndëshkuese.

Siç raporton CNN, Putin e konsideroi veprimin e “Wagner” si kërcënim për shtetin.

“Çdo trazirë e brendshme është një kërcënim vdekjeprurës për shtetin tonë për ne si komb; është një goditje për Rusinë për popullin tonë dhe veprimet tona për të mbrojtur atdheun tonë. Një kërcënim i tillë do të përballet me një përgjigje të ashpër”, tha Putin.

Ky i fundit pranoi se situata në Rostov-on-Don mbetet e vështirë gjatë asaj që ai e quan “kryengritje e armatosur” e forcave “Wagner”.

Ai theksoi se forcave të armatosura “u janë dhënë urdhrat e nevojshëm” dhe se “do të ndërmerren veprime vendimtare për të stabilizuar situatën në Rostov”.

Grupi ushtarak privat “Wagner” pretendon se ka marrë kontrollin e objekteve kryesore ushtarake në dy qytete ruse, Rostov-on-Don dhe Voronezh.

Kjo vjen pasi shërbimi rus i sigurisë FSB akuzoi Prigozhin për thirrje për një “rebelim të armatosur” kur ai u  zotua për hakmarrje pasi pretendoi se ushtria e Moskës  vrau një “sasi të madhe” mercenarësh të tij në një sulm në një kamp.

Njëherit, presidenti francez Emmanuel Macron po ndjek “nga afër” situatën në Rusi, tha të shtunën Pallati Elysee.

Lajmi në përditësim…

 

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika