Top Channel raporton se një alpinist nga Kosova është rrëzuar dhe ka humbur jetën në zonën e Alpeve, në vendin e quajtur “Maja e thatë” mbi Valbonë të premten.
Sipas raportimeve, alpinisti nga Kosova është rrëzuar në një terren shumë të thepisur dhe shkëmbor për çka është e pamundur nxjerrja e trupit përmes helikopterit.
Është kërkuar ndihma e grupit “Alpinistët nga Kosova” për ta nxjerrë trupin.
“OPERACION ! Një ekipë e ShKShMK sapo ka filluar një operacion të ndërlikuar të Kërkim-Shpëtimit në zonën e Valbonës. Për informata më të hollësishme do të njoftoheni me kohë”, thuhej në njoftimin e Shërbimit të Kërkim-Shpëtimit Malor të Kosovës.