Adelina Berisha nga Rrjeti i Grave të Kosovës ka reaguar pas rastit të dhunimit të një 13-vjeçares në Istog, duke e cilësuar ngjarjen si një tragjedi shumë të rëndë dhe një fat shumë të keq për shoqërinë.
Berisha, e ftuar në “FIVE” në Dukagjin, u shpreh se shpreson që ky rast të jetë i fundit dhe kërkon që reagimi institucional të jetë i menjëhershëm.
“Është një tragjedi shumë e rëndë dhe fat shumë i keq që ky rast nuk është i izoluar – viteve të fundit kemi pasur raste të tilla mjaftë shpesh ku persona madhor ushtrojnë dhunë seksuale ndaj të miturve. Ne urojmë që ky rast të jetë i fundit dhe presim që reagimi institucional të jetë i menjëhershëm – ne kërkojmë që i dyshuari të marrë dënimin maksimal dhe QPS-ja të punojë me viktimën dhe familjen e saj pasi të gjithë do të kenë nevoje dhe presim që si shoqëri të reflektojmë ndaj këtyre veprave të rënda penale”, u shpreh Berisha.