Ndeshja mes përfaqësues së Zvicrës dhe asaj tëSerbisë u zhvillua këtë të premte në kuadër të Botërorit 2022.
Ndeshja mes Zvicrës dhe Serbisë, e cila u zhvillua në stadiumin 974 përfundoi me rezultat 3:2.
Për fitoren e Zvicrës reaguan kryeministri i vendit, Albin Kurti dhe presidentja Vjosa Osmani. “Serbia nuk kalon. Urime Zvicrës!”, ka shkruar Kurti.
Ndërsa presidentja e vendit, Vjosa Osmani ka reaguar duke thënë “Bravo shqipe’.
Reagime për fitoren e Zvicrës kishte dhe nga liderët e partive opozitare , të cilët uruan përfaqësuesen e Zvicrës për fitoren.
Kryetari i Lidhjes Demokratike të Kosovës, Lumir Abdixhiku me anë të një postimi ka thënë se ka gjurmë Kosove në këtë Botëror.
“Gjurmë Kosove në këtë Botëror”, ka shkruar Abdixhiku.
Ndërsa kreu i PDK-së, Memli Krasniqi ka thënë se “zemra gjithmonë e bën dallimin”.
“Krenarë, sot dhe përgjithmonë me ju djema. Urime të gjithë bashkatdhetarëve tanë në Zvicër!”, ka shkruar më tej ai.
Më tej kryetari i AAK-së, Ramush Haradinaj ka uruar kombëtaren e Zvicrës duke shtuar se është “i mrekulluar me paraqitjen fantastike të Xhakës dhe Shaqirit”.