Presidenti i Këshillit Evropian, Antonio Costa, ka reaguar ndaj vendimit të Shteteve të Bashkuara të Amerikës për të vendosur një tarifë tregtare prej 30% ndaj Bashkimit Evropian, që pritet të hyjë në fuqi më 1 gusht.
Costa ka theksuar se tarifat, në thelb, janë taksa që ndikojnë negativisht në ekonomi duke nxitur inflacion, krijuar pasiguri dhe duke penguar rritjen ekonomike.
Ai ka shprehur përkrahje të plotë për presidenten e Komisionit Evropian, Ursula von der Leyen, në përpjekjet për të arritur një marrëveshje me SHBA-në.
“BE-ja mbetet e vendosur, e bashkuar dhe e gatshme për të mbrojtur interesat tona, në mbështetje të plotë të Presidentes Von der Leyen dhe përpjekjeve të Komisionit për të arritur një marrëveshje të drejtë me SHBA-në”, ka shkruar Costa.
