Ambasadori i Gjermanisë në Kosovë, Jorn Rohde, ka falënderuar Kosovën për strehimin e pesë gazetarëve afgan në Kosovë.
Ky veprim i shtetit të Kosovës, sipas Rohdes është mbështetje për lirinë e shtypit dhe mbrojtje për gazetarët e rrezikuar.
“Falënderojmë @MFAKOSOVO për ofrimin e strehimit për pesë gazetarë nga Afganistani me mbështetjen në bashkëpunim me organizatat partnere @ECPMF dhe @AGK_AJK”, ka thënë ai.
“Mbështetje kuptimplote për mbrojtjen e lirisë së shtypit, kontribut i prekshëm për sigurinë e gazetarëve dhe përkushtim i qartë ndaj vlerave tona të përbashkëta. Mirënjohës për këtë bashkëpunim të rëndësishëm në kohë sfiduese”, shtoi ai.
Kjo nuk është hera e parë që Kosova strehon gazetarë të huaj. Më parë shteti i Kosovës i kishte strehuar disa gazetare nga Ukraina e cila është në luftë me Rusinë.