Organizata e Veteranëve të Luftës së UÇK-së ka reaguar pas protestës së mbajtur sot në Strasburg, duke falënderuar të gjithë qytetarët që u bashkuan në mbrojtje të vlerave dhe të vërtetës së luftës çlirimtare.
Protesta ka qenë në mbrojtje të luftës çlirimtare, pasi ish-krerët e luftës po mbahen në paraburgim nga Gjykata Speciale.
Në deklaratën e publikuar në Facebook, organizata shprehu mirënjohje për pjesëmarrjen masive, duke theksuar se mbështetja dhe solidariteti i qytetarëve mbeten thelbësore për të mbrojtur historinë dhe sakrificën e luftëtarëve të lirisë.
“Të dashur pjesëmarrës të protestës sonë, ju faleminderit që sot ishit pjesë e këtij organizimi në mbrojtje të së vërtetës së luftës tonë çlirimtare. Faleminderit edhe atyre që nuk patën mundësi të jenë fizikisht këtu, por na përkrahën me zemër”, thuhet në njoftim.