Gazetari Ermal Panduri ka paralajmëruar se javën e ardhshme do të publikohen rezultatet e reja nga sondazhet politike, të realizuara nga kompania UBO Consulting përfshi tre pyetje për llogari të RTV Dukagjini.
Sipas Pandurit, këto të dhëna do të prezantohen në edicionin e radhës të emisionit Omnibus.
Sondazhi do të pasqyrojë përkrahjen aktuale të qytetarëve për subjektet politike, në rast se zgjedhjet do të mbaheshin këtë të diel.
RTV Dukagjini ka porositur tre pyetje kryesore për këtë matje të opinionit publik:
- Cilin subjekt do ta votoni?
- Kush, sipas jush, mban përgjegjësinë për moskonstituimin e institucioneve?
- Cili është koalicioni i juaj i preferuar?
Publikimi i këtyre të dhënave pritet të ofrojë një pasqyrë më të qartë mbi disponimin politik të qytetarëve dhe zhvillimet e mundshme në skenën politike të vendit.