Rruga Gjakovë – Klinë është bllokuar për shkak të shembjes së dheut.
Këtë e ka konfirmuar për Portalin Dukagjini, zëdhënësi i Policisë për Rajonin e Pejës, Driton Rugova.
Rugova ka thënë se sasia e dheut të shembur është e madhe dhe se rruga vazhdon të jetë e bllokuar.
“Nga ora 1:00 pas mesnatës Policia është njoftuar se rruga Klinë-Gjakovë, saktësisht në Volljakë, ka shembje dheu. Njësitë kanë dalë aty. Rruga është e bllokuar për qarkullim. Kompania kontraktore për rregullim po bënë përpjekje për ta liruar”, ka thënë Rugova.
Ekipi i RTV Dukagjinit po qëndron në vendin e ngjarjes teksa kanë bërë të ditur se kompania kontraktore për rregullim të rrugës është duke e hequr dheun që u shemb.