Numri i të lënduarve nga sulmet ajrore të Iranit ndaj Izraelit është rritur në 89, njoftuan autoritetet izraelite të enjten në mëngjes.
Të paktën tre persona janë në gjendje të rëndë.
Raketat iraniane kanë goditur disa zona, përfshirë Tel Avivin dhe rajonin jugor të Izraelit, ku një spital ka pësuar dëme të mëdha, raportoi BBC.
Situata ka tensionuar më tej përplasjen mes dy shteteve. Izraeli është zotuar për hakmarrje direkte ndaj liderit suprem iranian, Ali Khamenei.
Ministri izraelit i Mbrojtjes, Israel Katz, deklaroi se ka urdhëruar ushtrinë që të intensifikojë sulmet ndaj caqeve iraniane në përgjigje të agresionit.