Shukri Buja, kandidat i PDK-së për kryetar të Lipjanit, ka zhvilluar një takim me qytetarët e Gllavicës, të cilën e ka cilësuar si një mbrëmje mbresëlënëse dhe plot energji fitoreje.
Në një postim në rrjetet sociale, Buja ka falënderuar banorët për mikpritjen dhe mbështetjen e tyre të fuqishme për PDK-në dhe programin e tij qeverisës për Lipjanin.
“Gllavica më mirëpriti me zemër sonte! Gllavica e Adem Gllavicës dhe e patriotëve të saj të pathyeshëm më priti sonte krahëhapur, bashkë me kandidatin për Kuvendin Komunal, Argjendin!” – ka shkruar Buja.
Ai ka theksuar se kjo mbështetje e madhe nga qytetarët i jep forcë dhe besim për fitoren e PDK-së në zgjedhjet e 12 tetorit.
“Mbështetja e fuqishme për PDK-në, për listën tonë fituese dhe për projektin tim politik për Lipjanin më jep energji dhe besim të palëkundur në fitoren që po vjen!” – ka shtuar ai.
Takimi në Gllavicë u cilësua si një tjetër dëshmi e mobilizimit qytetar në përkrahje të Shukri Bujës dhe Partisë Demokratike të Kosovës, në prag të përballjes zgjedhore që po afrohet.
